Onder God se Heerskappy
As gemeente het ons vir die Here gevra wie ons as gemeente moet wees. Die Here het ons geantwoord deur vir ons te sê dat ons ’n kerk moet wees onder Sy Heerskappy. Die drie-enige God is die Koning van NG Bergsig en die Koning van elke lidmaat. Ons roeping is om mekaar en ander lei om onder Sy heerskappy in te kom en te leef.
Om ons Visie reg te kry, het ons gehoor dat ons op drie vlakke van ons geloof moet fokus.
Die eerste vlak van ons geloof is om Dieper te gaan in ons verhouding met die Koning van ons lewe. Ons as gemeente gaan ons bronne, gawes en bedieninge inrig om juis vir elkeen ’n ruimte te skep waar jy geestelik kan groei.
Die tweede vlak van geloof vloei uit die eerste en is om Dienend na mekaar te groei. As jy in jou verhouding met God groei, kan jy nie anders as om in jou verhouding met ander gelowiges te groei nie. Ons is die gawes wat die Here vir die gemeente gee sodat ons mekaar kan opbou, aanmoedig en aanspoor tot goeie dade. Ons gaan as leierskap juis die bedieninge inrig en lidmate toerus om juis die doel te bereik. Ons het juis die opdrag om mekaar te dien met liefde.
Die derde vlak van ons geloof is om Doelbewus na ander uit te reik. Ons groot opdrag in die Bybel is “gaan dan na al die nasies”. As jy in Dieper in jou verhouding met God en ander gelowiges gegroei het, is dit onmoontlik om nie ook die wonder van God in ons lewens nie met ander te wil deel nie. Vanuit my verhouding met God en opbou, aanmoediging en aansporing van ander gelowiges, kan ons eenvoudig nie anders as daarom met ander te deel nie. Doelbewus beteken egter dat ons nie net die wêreld instorm nie. Ons gaan baie Doelbewus onder God se leiding en krag hierdie oes benader.
Kantoor: 014 000 2150
Email: admin@ngbergsig.co.za
Adres: 194 Bethlehem Straat, Rustenburg
ds Pieter Jordaan
082 561 8500
ds Nadine Bronkhorst
084 219 0541
NG Bergsig © Copyright 2024 All Rights Reserved | Website done by PageFound
